"Mangkang Menua,Mangkang Dunya,Ngetan Ke Bansa!!"

February 4, 2010

Update Janji Bepilih ari Lubok Antu

 Taken from DayakBaru

 
Dayakbaru : Bala kitai  enggau bala2 bukai tau merati ke pemansang ke di sebut perintah tu lalu meri kitai “status” update tiap 6 bulan nentu ke projek tu amat di gaga. Dalam itong kasar semua duit kena ngaga jalai dalam genturong menoa Lubok Antu iya nya RM366 million. Di banding ngena mata kasar Lubok Antu deka ngembuan jalai ti manah lalu jauh mansang ari Kapit, Marudi enggau Kanowit.

LUBOK ANTU :

Enggau pemisi infrastruktur jalai ke manah ti mungkur mayuh rumah panjai ba pelilih menua Lubok Antu deka terus ngangkatka pemansang sereta ekonomi orang mayuh ba pelilih menua nya.

Penerang ari Opis Kereja

Injinia Pelilih Menua Opis Kereja Sri Aman Mehan Jorai maya meri penerang ngagai Kaban Parlimen Lubok Antu William Nyalau Badak enggau Kaban Kunsil Nengeri Batang Ai Malcolm Mussen Lamoh madahka mayuh ari ungkup jalai ke udah dikemendarka ba baruh Stimulus Pakej Kedua mayuh udah dikena ngenembuka jalai ke udah dijanji maya bepilih mit Batang Ai taun siti nyin tadi.

“Pejalai kami saritu deka meri penerang ngagai dua iku Yang Berhormat (YB) pasal penembu projek jalai ba Batang Ai kelebih agi ke udah dikemendar ba baruh Stimulus Pakej Kedua ke mungkur empat buah jalai alun ba sitak menua tu,” ku iya.

RM8.814 di kena ngemanah ka jalai

Pelin ngemanahka jalai Batang Ai enggau jalai nuju alai baru ke nyadi alai mindahka orang mayuh ba Batang Ai skim ke ditaga kena ngaga jalai nya ba kandang 28 Mei 2009 ngagai 27 Februari 2010 digaga ba penyampau RM8.814 miliun lalu diatu projek nya bisi dalam urung 95 peratus nyauka tembu.

Janji Bepilih?

  • Jalai Lemanak-Engkari ke deka digaga enggau penyampau skim ke ditaga ngena ungkus RM60 miliun udah dikemendarka ba baruh Langgur Malaysia ke sembilan (RMK-9)
  • enggau penembu projek keterubah kena ngaga pemanjai jalai Lubok Antu/Ng Kesit iya nya 8.35km jalai batu ngena ungkus RM6.18 miliun,
  • ngaga sereta nembuka jalai 1.7km Lubok Antu/Lemanak/Engkari (Pakej B) (Fasa kedua)ke ngena ungkus 6.878 miliun, lalu penembu iya diatu semina baru 15 peratus laban agi ngemutarka penanggul tanah ke berbukit ba sitak nya, ngaga jalai Lubok Antu/Lemanak/Engkari (Pakej B) (Fasa Ketiga) belabuh ari pemanjai jalai 1.7km lalu deka diteruska mungkur 6km agi deka ditembuka dalam kandang setaun tu.

Kontrak deka di serah ngagai kena 17 Februari (RM 35.798 million)

“Surat ngagai kontraktor pasal skim nya udah diberi ngagai sida iya minggu nyin tadi ke udah dikemendarka urung RM35.798 miliun lalu endur nya deka di serah ngagai sida kontraktor kena 17 Februari tu ila.

Jalai  Lamanak/ Ulu Engkari RM 300 million  ( proses deka nuduh konsultan)

“Jalai kelebih nya nengah Jalai Lemanak/Engkari  ke nuju ngagai jalai Ulu Lemanak/Ulu Engkari diatu kami benung dalam proses deka nuduh konsultan ke deka diasuh ngaga design jalai nya ke begunaka tender RM300 miliun ke deka digaga ba baruh RMK-10. Kami ngarapka perintah deka ngemendarka penyampau ba baruh RMK-10 tu,” ku iya.

Jalai Wong Pandak-Wong Panjai ke deka disemin (Rm 4 Million)


Jalai Wong Pandak-Wong Panjai ke deka disemin, siti ari projek penudi ke bedau dikemutarka, udah tembu digaga design, tender dokumen lalu dipelaba deka di tender kena 6 Februari tu ila.

“Pemanjai jalai tu semina 2.8km ari Opis Salcra ngagai Simpang Ensawang laban pan ba baruh RMK-9 semina diungkupka urung RM4 miliun aja, nya alai kami ngarapka ba baruh RMK-10 enti pan nya chukup kami ulih nyambung jalai nya ngagai Wong Pandak nyengkaum Wong Panjai,” ku iya.

Jalai Lubok Antu/Ng Bulu/Changkol (Rm 8.368 million)

Kelimpah ari nya mega, ngaga Jalai Lubok Antu/Ng Bulu/Changkol ti udah dikemendarka pan dalam urung RM10 miliun udah nyauka tembu lalu semina begunaka penyampau RM8.368 miliun nembuka jalai nya ke bempu pemanjai jalai urung 12.4km.

“Lalu iya udah belabuh dikemutarka bulan Ogos taun siti nyin tadi lalu dipelaba tembu sebedau taun Baru Cina taun tu ila. Laluh dalam urung RM1.8 miliun nya ila, Kaban Parlimen Lubok Antu tauka ADUN Batang Ai tau nulis surat ngagai Opis Menteri Pemansang Menua Pesisir enggau Kandang Menua (KKLBW) minta laluh nya dikena ngaga jalai mit bukai ba sitak tu.

“Ba sitak jalai tu aja ngungkupka lebih ari 10 buah rumah panjai enggau sebuah sekula SK Melaban ke bulih penguntung pemansang infrastruktur jalai ba sitak nya,” ku iya.

Ukup Stimulus Pakej Kesatu enggau ke Dua

Semua projek infrastruktur jalai tu ngena ungkup Stimulus Pakej Kedua lalu projek mit ba baruh KKLBW ba baruh Stimulus Pakej Keterubah dalam penyampau RM1 biliun udah mujur dikena ngemansangka infrastruktur sitak nya.

Simpang Bintong ngagai SK Batang Ai (RM8.6 million)

Kelimpah ari nya mega, projek jalai 9.89km ari Simpang Bintong ngagai SK Batang Ai nyengkaum Jalai Ukom pan dijangka tembu kena 27 Februari tu ila.

“Penembu jalai tu bisi  urung 99 peratus ke belabuh digaga 28 Mei taun siti nyin tadi, tang kami mujur nembuka jalai tu dalam timpuh ke pandak ke ngena ungkus RM8.6 miliun.

Jako Projek Manager – Sulau Sawang

“Ba sitak tu aja ngungkupka lebih 12 buah rumah panjai ke bempu  urung 2,400 iku orang mayuh ke deka bulih penguntung ari infrastruktur jalai tu, lalu jalai tu mega nyambung nuju ngagai SK Batang Ai enggau Hidro Batang Ai ke mega deka nyambung ngagai jalai Sri Aman,” ku siku ari Menijer Projek Sulau Sawang ke diatur beratika pemansang projek Simpang Bintong ngagai SK Batang Ai nyengkaum Jalai Ukom

Leave a Comment »

No comments yet.

RSS feed for comments on this post. TrackBack URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a free website or blog at WordPress.com.

%d bloggers like this: