"Mangkang Menua,Mangkang Dunya,Ngetan Ke Bansa!!"

August 18, 2012

Forum pasal Tanah Pesaka (NCR) di Sibu kena 18/8/2012

Forum pasal Tanah Pesaka (NCR) di Sibu kena 18/8/2012                                                                             

Compiled by Katut Achong

Haribulan  :  18/8/2012

Endur     :   Kawan Hotel, Sibu.

Jam             :   0800 – 1800 hrs.

Simpul batang penemu ke dikerandauka lebuh forum pasal Tanah NCR Sarawak.

  1. Adat asal bansa Dayak endang udah bisi dititih serta dikena sebedau James Brooke merintah Sarawak tahun 1841.                                                                                                                                   Nitihka Adat asal bansa Dayak : –

(a)    sapa berimba, berumpang menua,  urang nya meh empu tanah;  serta

(b)   sapa menang bekayau, bebunuh, urang nya mega empu tanah.

  1. Tanah pesaka  (NCR) asal bansa Dayak dikelala serta dititihka lebuh James Brooke diberi kuasa merintah menua Sarawak (area Kuching & coastal areas of Sadong) tahun 1841.

Maia Sarawak diserah nyadi British Colony tahun 1946, Adat asal bansa Dayak pasal tanah pesaka (NCR)  mega mengkang dikelala serta dititihka.

Lalu maia beserakup ( Malaya, Singapore, Sabah & Sarawak)  numbuhka Malaysia tahun 1963, Adat asal bansa Dayak pasal tanah pesaka (NCR) mega terus dikelala, dititih, enda kala dipadamka. Nya alai, Adat asal bansa Dayak tentang hak kuasa ba tanah pesaka (NCR) mengkang dikena sampaika diatu.  Adat asal tu mega dibasa serta dijamin dalam Federal Constitution  of Malaysia (baka  Article 153 &  161A.)

  1. Semua ubah undang-undang  (amendments) dalam Sarawak Land Code 1957 (Cap. 81) ke enda nitihka lalau, tuju, semengat dalam Federal Constitution enda ulih dikena serta nadai kuasa madam tauka munaska hak kuasa  bansa asal Dayak Sarawak.

Tu mega terang bendar ditulis dalam Federal Constitution Article 4(1) ti nyebut  “This Constitution is the supreme law of the Federation and any law passed after Merdeka Day which is inconsistent with this Constitution shall, to the extent of the inconsistency be void”.

Tambah mega Article 5(1) nyebut  “No person shall be deprived of his life or personal liberty save in accordance with the law”.

Lalu Article 13(1) madah  “No person shall be deprived of his property save in accordance with law”

Serta enggau Article 13(2) nyebut  “No law shall provide for the compulsory acquisition  or use of property without adequate compensation”

 

  1. Adat asal bansa Dayak  pasal tanah NCR ke dikelala serta dititihka, nadai kala dipadam.

Undang-Undang Tanah Sarawak 1957 (Sarawak Land Code 1957) mega ngelala semua kuasa, hak bansa asal Dayak ke berimba, berumpang menua sebedau tahun 1958 .

  1. Nitih ke adat asal bansa Dayak, penemu tauka “concept” pemakai menua endang nyengkaum menua tauka area alai mensia beridup (begiga jelu, begiga ikan, be-ambi rutan danan, alai beban, alai beramu, tanah pendam,  alai bekebun, alai bumai  etc.).

Pemakai menua tu bisi diempu, dikuasa  serta dijaga segenturung rumah panjai ba kandang menua siti-siti.  Tu tanah pesaka (Native Customary Rights ) asal Dayak.

Salah penemu perintah BN Sarawak ke nyebut “pemakai menua” nya ukai tanah NCR.

Penemu perintah BN Sarawak sentang tu amat nadai senutuk serta ngelaban atur, tuju dalam Federal Constitution. (inconsistent with the spirit of Federal Constitution, and therefore , void)

 

  1. Penyarut pasal tanah pesaka (NCR) Dayak be-pun ari perintah BN Sarawak ti enda nerima,  enda bebasa ke pemutus diberi High Court .

Federal Court  nyukung penemu ari High Court  serta ngelala lalu netapka pemakai menua, pulau galau nya endang tanah pesaka (NCR) bansa Dayak.

  1. Perintah BN Sarawak  sengaja ngerampas tanah pesaka (NCR) bansa Dayak ngena jalai tauka chara

(a)    Nyual Provisional Lease (PL) ngagai kompeni dagang awakka beribu-ribu ekar tanah NCR kena rengkap ladang kelapa sawit .  Kompeni  diberi tempoh 60 tahun ngena tanah nya.

(b)   Selalu ngubah Undang-Undang Tanah Sarawak dikena michit serta ngabis ke hak, kuasa bansa asal Dayak ba tanah NCR sida.

Enggau ubah undang-undang tanah nya mega, bala  Wakil Rakyat BN Sarawak senang agi be-bagi ke Provisional Lease tauka lessen kampong (balak) serta be-empu tanah di Sarawak.

(c)    Ngena jako “Development  Area ngambi tanah pesaka NCR Dayak alai PELITA ngaga dagang  Joint Venture (JVC) enggau Companies.    Laban PELITA udah diberi kuasa lebuh ubah (amendments) undang-undang tanah Sarawak digaga perintah BN Sarawak, nya alai,  tak sepeneka tanah pesaka (NCR) Dayak diambi.

(d)   Benung ngaga serta bisi anggur deka ngaga 13 iti hydro-electric power stations  kena ngeluarka kuasa eletrik.  Siti-siti tekat ai Hydro nya ngampuhka beribu-ribu ekar tanah pesaka (NCR) asal bansa Dayak ( Kenyah, Kayan,Kelabit, Iban enggau bansa bukai) Sarawak.

(e)   Enggai nyukat, enggai meri grant pala tanah pesaka NCR Dayak nitihka Section 18 Sarawak Land Code.

(f)     Nguji nipu bansa asal Dayak ngena Perimeter Survey nitihka Section 6  Sarawak Land Code.

Ngena jako “semaia deka meri pala tanah nitihka Section 18 Land Code” selepas di sukat di baruh Section 6.      Semaia Perintah BN Sarawak nya ukai undang-undang.

Lebuh perintah BN Sarawak enda meri pala tanah munyi ke di-semaia ke, iya nadai salah laban nadai dalam undang-undang .

Section 6 dikena nyali tanah perintah (State Land) ngagai bansa asal ke nadai chukup tanah alai beridup.   Tu tanah ke dikumbai Native Communal Reserve (NCR) land.

Menteri tanah bisi kuasa penuh nyali serta ngambi pulai tanah Native Communal Reserve nya, nadai di beri pampas.

Tang  Section 18  Land Code dikena nyukat serta meri grant pala tanah ngagai bansa asal Dayak ke be-empu tanah pesaka, Native Customary Rights (NCR) land.

Dua iti sections  tu, Section 6 enggau Section 18, enda ulih di-pegulaika.  Nadai dalam bup Undang-Undang  Tanah Sarawak madahka munyi ko disebut Land & Survey. Pia mega jako “Perimeter Survey” nadai dalam bup Sarawak Land Code.

Perimeter survey nya semina policy, ukai undang-undang.

  1. Ari jako peransang sida NGO, bala lawyers serta enggau urang ke bisi pemandai, kitai bansa asal Dayak endang di asuh ngetan ke hak kuasa kitai atas tanah pesaka (NCR).

Bala Dayak nadai belanja bechara ngelaban perintah BN Sarawak, taja pengawa perintah nya enda besenutuk (inconsistent) enggau Federal Constitution.

Lebuh bepilih besai (General Elections), mensia maioh diberi peluang milih wakil rakyat ke ulih di-karapka nyaga hak mensia maioh, ukai nyiping serta madamka hak  kuasa rakyat.

Ketegal wakil rakyat ari BN ke enda jurus penemu, maioh limpang kerja, nya alai kitai patut nganti sida enggau pengari wakil rakyat ari parti bukai, baka,  Pekatan Rakyat (PKR, PAS, DAP).

Selagi kitai milih parti BN, pengawa ke munaska hak kuasa bansa asal Dayak nya nadai ulih di putarka.  Tanah pesaka (NCR) asal bansa Dayak Sarawak majak lenyau, majak abis.

Noted, summarized  and understood to be the main points, reduced into writing by : –Katut Achong

Leave a Comment »

No comments yet.

RSS feed for comments on this post. TrackBack URI

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Create a free website or blog at WordPress.com.

%d bloggers like this: